|
Hallo daar!
Mnr. de Jager, wat vir ons Skeinat gegee het, het die week se toets gewoonlik vir ons op die skerm gegooi. Die truprojektor het weerskante twee rolle met transparant-film gehad, wat vol notas en toetse geskryf was. As hy die woorde dan so oor die skerm laat rol, om by ons toets uit te kom, het hy altyd gesê: "So rol jou lewe by jou verby!" Inderdaad, dit is 40 jaar later! Maar ja, as ek omtrent elke tweede week (voel dit) weer 'n maandelikse brief skryf, voel dit of my lewe so by my verbyrol. Ai, ek het natuurlik geen idee gehad hoe my lewe sou verloop nie, né. Ek het op die onwaarskynlikste plekke gewoon en die interessantste dinge gedoen. Ek was uiteindelik - en is steeds - baie geseënd. Uitdagings ook gehad, natuurlik, sommige onoorkombaar, mislukkings vele, teleurstellings, verleenthede. Maar ja - hoe anders? Terug by ons nuusbrief...
Staan op, staan vas, staan uit!
Ek het saamgeskryf aan 'n boek vir manne! Dit bevat 77 kort en praktiese boodskappe vir mans, oor integriteit, leierskap, manwees, priester-wees. Dis 'n ideale geskenk - selfs ná Vadersdag! Baie billik, ware waarde! Vir meer inligting hoe om die oulik boek te bekom, kliek hier.
|
