Почитувани,
Во овој број покрај информациите за активностите на Граѓанскиот ресурсен центар ве информираме за низа настани и иницијативи што се случија во мај како формирањето на Мрежата на социјални претпријатија, настанот за реформите на системот за државно финансирање, изготвувањето на Законот за младинско учество и младинска политика итн.

Со почит,
Тимот на Граѓанскиот ресурсен центар

Одговорено е на 395 барања за советодавна поддршка. Заинтересираните организации можат да постават прашања преку барањето за поддршка или да се обратат директно до канцелариите на ресурсните центри во Скопје, Штип и Гостивар.

Испратени се 278 релевантни информации до граѓанските организации. Доколку сакате да добивате информации, приклучете се на листата за дистрибуција.

Организирани се 145 настани во просториите на Граѓанскиот ресурсен центар од страна на граѓански организации или други чинители. За користење на просториите, пополнете го соодветното барање.

Подготвени и споделени 16 месечни прегледи на финансиски можности за граѓански организации со вкупно 172 отворен повик. Погледнете ги достапните месечни прегледи за финансиски можности за граѓански организации.

Подготвени и споделени се 40 неделен преглед со информации за започнати процеси на подготовка на закони и нацрт-закони објавени на ЕНЕР и 11 месечни прегледи од следењето на отвореноста на процесите на подготовка на законите. Погледнете ги неделните и месечните прегледи.

• Мобилен ресурсен центар во Куманово, 13 јуни 2019 година, Национален ромски центар, Куманово
• Дебата за Извештајот од анализата на овозможувачко опкружување за граѓанските организации за 2018, 9 јули 2019 година, Скопје

Во овој дел од Билтенот редовно ќе известуваме за битни информации за граѓанското општество кои ги преземаат и спроведуваат други општествени чинители

На 15 мај, во Скопје се одржа настан за промоција на националната Мрежа на социјални претпријатија. На настанот беше потпишана Декларација со која сите засегнати страни изразија подготвеност да дадат свој придонес во еко системот за развој на социјалното претприемништво во земјата. Формирањето на мрежата беше иницирано од Асоцијацијата за истражување, комуникации и развој “Паблик”.

Прочитајте повеќе за Мрежата на социјални претпријатија

**********************************************************************************************

На конференцијата Реформи на системот за државно финансирање на граѓанските организации организирана од МЦМС на 22 мај се истакна дека целите на подобрениот реформираниот модел за државно финансирање на граѓанските организации треба да се однесуваат на: зголемување на висината на средства наменети за финансирање на ГО; обезбедување институционална поддршка за граѓанските организации; обезбедување кофинансирање на активностите кои се поддржани од други донатори; напуштање на праксата на едногодишно и неизвесно финансирање, и градење свесност и пракса за повеќегодишни организациска и проктна поддршка; зголемена висина на индивидуалните грантови; унапредување на транспарентноста, ефективноста и отчетноста на постапката на дистрибуирање на средствата; зголемена отчетност и транспарентност на граѓанските организации за потрошените средства доделени од страна на државата, но и општо во нивното работење; обезбедување соодветна географска распределба на поддршката од државата за граѓанските организации.

Прочитајте повеќе за конференцијата

**********************************************************************************************

Во мај беа организирани неколку консултативни средби на Владата со граѓанските организации за изготвување на Националната стратегија за развој на концептот за едно општество и интеркултурализмот. Овој консултативен процес ќе продолжи и во јуни.

Прочитајте повеќе

**********************************************************************************************

Во мај започна консултативниот процес за изготвување на Законот за младинско учество и младинска политика. Коалиција на младински организации СЕГА и Националниот младински совет на Македонија се дел од работната група за изготвување на Законот. Коментари по предлог-законот може да се достават до 30 јуни.

Прочитајте повеќе 

**********************************************************************************************

Редовна и интензивна соработка, поедноставување на процедурите за граѓанските иницијативи, ажурирани листи за комуникација со граѓанските организации, поголема информираност и почести редовни средби со граѓанските организации беа главните заклучоци на Националниот форум на Цивика мобилитас „Соработката помеѓу Собранието и граѓанските организации“ кој се одржа на 28 мај 2019 година.

Прочитајте повеќе за форумот