ქსენოფობია

მაესტრო, კონტაქტი რვაზე, 25 მაისი
ირმა ინაშვილი, პატრიოტთა ალიანსი: "მიდის ქართული მიწის დატაცების პროცესი, ძირითადად აზიური ქვეყნის წარმომადგენლები იტაცებენ ქართულ მიწებს, ეს ის ქვეყნებია  მინდა შეგახსენოთ არაბული ქვეყნები სადაც მაღალი არის ტერორიზმის რისკი,  ჩვენ არ ვიცით ვინ შემოდის საქართველოში. ე.წ. ინვესტორების სახელით. იმიტომ, რომ შეიძლება ინვესტორების სახელით ჩვენ ტერორიზმის კერა გავაჩინოთ ჩვენ ქვეყანაში და აქ უსაფრთხოების საკითხებიც დგება დღის წესრიგში."

მარშალპრესი, 23 მაისი

დიმიტრი ხუნდაძე, ქართული ოცნება: "თქვენი [ლელა ქებურია] დამოკიდებულებით ხვალ იმდენი უცხო ქვეყნის მოქალაქე იცხოვრებს [საქართველოში] ათჯერ და ასჯერ მეტი, ვიდრე დღეს არის და სწორედ, ამას ვამბობ, რომ უნდა იქნას მკვეთრი ჩანაწერი და დარეგულირებული ორგანული კანონით...მონაცემები [რამდენი ჩინელი ცხოვრობს საქართველოში] როცა გვექნება, უკვე გვიანი იქნება, ჩემო კარგო".
წყარო: ტვ პირველი

ალია, 22-28 მაისი
სანდრო ბრეგაძე, ეროვნულები: "ჩვენ კარგად ვიცით ჩინელების მაგალითი ხარაგაულში, იქ შესყიდული აქვთ გარკვეული ტერიტორიები, ამუშავებენ ქართველებს და ეპყრობიან მათ, როგორც მონებს. დღე არ გავა, ჩინელებმა რომელიმე ქართველი არ სცემონ და არ დაასახიჩრონ. გვახსოვს გახმაურებული რამდენიმე ქართველი მუშის ცემის ფაქტი. ხარაგაულში ბატონები არიან ჩინელები, მონები კი ქართველები."

საქინფორმი, 2 მაისი
რედაქცია: "აგებს თუ არა პასუხს [გიორგი] კვირიკაშვილის მთავრობა და მმართველი პარტია “ქართული ოცნება”, რომლის ლიდერადაც ის გვევლინება, თბილისის საერთაშორისო აეროპორტში ტერაქტის შემთხვევაში? როგორ უნდა განსაზღვრონ ქართველმა უშიშროების თანამშრომლებმა - ხომ არ არის ხიჯაბის ქვეშ ასაფეთქებელი მოწყობილობა? რა ნიშნებით შეიძლება ირანის მოქალაქე წესიერი ქალბატონის შაჰიდისაგან გარჩევა?!”

ალია, 15-21 მაისი
რედაქცია: "თურმე, მთელი ქვეყანა უცხოელი ბანკირების, ჩამოსახლებული ჩინელების, ინდოელების, არაბების, თურქების და ა.შ. საკუთრებად უნდა აქციონ… წარმოიდგინეთ, რამხელა კატასტროფის წინაშე დგას ჩვენი პატარა და დაუცველი სამშობლო: ჩინელები, ინდოელები, თურქები, არაბები და ა.შ. თავისუფლად შეიძენენ მიწებს, კორუმპირებული ხელისუფლების წყალობით ფულის სანაცვლოდ იოლად მოიპოვებენ მრავალსართულიანი კორპუსების მშენებლობის უფლებას, გაჩნდება ჩინური კვარტლები, "ჩაინა თაუნები", ინდური, არაბული (თურქული უკვე გვაქვს) დასახლებები და მალე შესაძლოა, მიცვალებულების დასამარხი ადგილიც აღარ დაგვრჩეს… დღეს დაშვებული შეცდომისა და უმოქმედობის გამო საუკუნის შემდეგ საფლავში აუცილებლად ამოვტრიალდებით და რას დავინახავთ: აქეთ გადავბრუნდებით, "მოძმე" ჩინელი ასვენია, გვერდს ვიცვლით და იქიდან "მოძმე" ინდოელი "გაგვიღიმებს". 

მაესტრო, ცეცხლის ხაზი, 23 მაისი
ვაკა გორგილაძე, წამყვანი: "ხშირად გავიგებთ ხოლმე, რომ ეს მიწას ხომ ზურგზე ვერავინ წამოიკიდებს და წაიღებს და ა.შ. ჩვენ გვაქვს ჩვენი გამოცდილება. სამაჩაბლო. არის სერბების, უფრო სწორად კოსოვარების გამოცდილება, ხო. აი, თუ არ წაიღეს. ძალიან კარგადაც წაიღეს მიწა...და [ფოკუს ჯგუფის მონაწილე მეკარტოფილეები] იძულებულები არიან ბატონო, იაგო [ხვიჩია], თქვენ წარმოიდგინეთ აიღონ იჯარით ინდოელებისაგან გექტრობით ე.ი. აი ეს სივრცეები, რათა დაამუშაონ ე.ი. ეს ჩემთვის იყო შოკის მომგვრელი, როდესაც ქართველი ფერმერი იჯარით იღებს ინდოელისგან".

ასავალ-დასავალი, 15 -21 მაისი
ნიკოლოზ მჟავანაძე, უფლებადამცველთა გაერთიანება: „რუსეთში როცა ქართული ლობი ყველაზე ძლიერი იყო, საქართველო ფეხზე იდგა, დღეს კი მოსკოვში არც სომხურ და არც აზერბაიჯანულ ლობს რუსეთ-საქართველოს შორის ურთიერთობის დათბობა ხელს არ აძლევს!.. 800 ათასს გადააჭარბა საქართველოში აზერბაიჯანელთა რიცხვმა მაშინ, როცა საქართველოში დღესდღეობით მილიონ-ნახევარი ეთნიკური ქართველი თუ ცხოვრობს. რისთვის აშენებენ ამ ავტობანებს, თუ საქართველოში ქართველი არ იცხოვრებს?“

რეზონანსი, 13 მაისი,
სოსო ცისკარიშვილი, პოლიტოლოგი: "თუნდაც ის ფაქტი, რომ აჭარაში, გონიოს მიმდებარედ, საკმაოდ დიდი მიწა, როგორც მეუბნებიან, უკვე გასხვისებულია და იქ არაბული სამყარო იკრეფს ძალას ზღვისპირა ახალი ქალაქის მშენებლობის მოტივით. მაგრამ ჩვენი ე.წ. კონსტიტუციონალისტები არ თუ ვერ საუბრობენ ამ თემაზე, რაც იმაზე მიგვანიშნებს, რომ თუკი ვინმე იქნება ჩვენი მიწის შესყიდვით დაინტერესებული, უპირველეს ყოვლისა, ეს იქნება რუსეთი". 

ასავალ-დასავალი, 29 მაისი - 4 ივნისი
მიხეილ ცაგარელი, ასტროლოგი: „...ზუსტად ისე უნდა მოვექცეთ საქართველოში მცხოვრებ აზერბაიჯანელებსა თუ სომხებს, როგორც თავიანთ ქვეყნებში ექცევიან ქართველებს. აზერბაიჯანში ქართველი ვერ იცხოვრებს, თუ მათი ენა არ იცის. სახელისა და გვარის გადაკეთებასაც კი თხოვენ! აბა, ჩადით რა ხდება ახალქალასა და ქვემო ქართლში?! ქართული ენის გაგონება მოგენატრებათ. საქართველოში მცხოვრები აზერბაიჯანელები და სომხები ქართულად საუბარსაც კი აღარ კადრულობენ! ამას თურქებისა და არაბების მასობრივ დასახლებასაც თუ დავუმატებთ, წარმოგიდგენიათ რა მოხდება?! 50 წლის შემდეგ ქართველი, როგორც ეთნოსი, და ქართული ენა, რომელიც ისედაც სიკვდილის პირასაა, აღარ იარსებებს!“

თურქოფობია/ისლამოფობია

საქინფორმი, 30 მაისი
თამაზ მეჭიაური, თამაზ მეჭიაური - ერთიანი საქართველოსთვის: "...ჩვენთან რა ხდება? საქართველოს ერთ ნაწილში რუსები გამაგრდნენ, აჭარაში - თურქები ძლიერდებიან და სამცხე-ჯავახეთისკენ გადმონაცვლებას ცდილობენ. თურქებმა თბილისი ფაქტიურად მშვიდობიანად დაიპყრეს. ეს პროცესები საქართველოს კარგს არაფერს მოუტანს. დიდგორობის აღნიშვნა აგვიკრძალეს, ჩვენმა ხელისუფლებამ უკან დაიხია, მეჩეთების თემაც ძალიან გააქტიურებულია. მასმედიაში წინა პლანზე წამოწეულია, თუ როგორ იჩაგრებიან მუსლიმანები, რომელთაც მეჩეთი აქვთ, მაგრამ კიდევ უნდათ ააშენონ.   ბათუმში ქუთაისის ქუჩის მთელი პირველი მხარე თურქებს აქვთ დაკავებული და  მოსაჩვენებლად ვითომ ქუჩაში ლოცულობენ…. ეს არის შეთქმულება ჩვენი ქვეყნის წინააღმდეგ!"  

წყარო: sazogadoeba.ge

ალია, 29 მაისი - 4 ივნისი
რედაქცია: "პირადად ჩემთვის თურქეთიც ისეთივე ოკუპანტია, როგორც რუსეთი. წარმოიდგინეთ, რამხელა შეურაცხყოფას გვაყენებენ ეს "კეთილმოსურნე" მეზობლები, რომ ტაო-კლარჯეთის ტერიტორიაზე არსებული, ჩვენი წინაპრების მიერ აშენებული ეკლესია-მონასტრების რესტავრაციის სანაცვლოდ, აქ მეჩეთების მშენებლობის ნებართვას ითხოვენ."

ალია, 29 მაისი, 4 ივნისი
რედაქცია: "პრემიერმა გიორგი კვირიკაშვილმა რამდენიმე თვის წინ თურქეთის ერთპიროვნულ მმართველს, რეჯეფ ტაიპ ერდოღანს ხელისუფლების ე.წ. რეფერენდუმის გზით ოფიციალურად მიტაცების ფაქტი ისე მიულოცა, თითქოს იქ დემოკრატია დუღს და გადმოდუღს.... ამბიციური ერდოღანის გეგმები, რომელთა შორის ბათუმისა და აჭარის დაბრუნებაც შედის, შორსმიმავალი, საკმაოდ სახიფათო და აგრესიულია... ჰოდა, აი, ასეთი აგრესიული პოლიტიკის მქონე მეზობელს საქართველოს საგარეო საქმეთა მინისტრი, მიხეილ ჯანელიძე სტრატეგიულ პარტნიორს ეძახის და თურქეთის პრემიერ-მინისტრის, ბინალი ილდირიმის დელეგაციას აეროპორტში დიდი პატივითა და წითელი ხალიჩით ხვდება".

ასავალ-დასავალი, 15 -21 მაისი
მამა იერონიმე, მართლმადიდებელი სასულიერო პირი: „გინდ ქსენოფობი მიწოდეთ და გინდ - არაჰუმანური, მაგრამ არ შემიძლია საკუთრ ქვეყანაში ვუყურო, როგორ მძლავრად მრავლდებიან თურქი ეროვნების ადამიანები და თანაც გამოირჩევიან საოცარი სითავხედითა და ზიზღით  ქართველების მიმართ, განსაკუთრებით სასულიერო პირების მიმართ. საკუთრ ქვეყანაში რომ ასე გექცევიან, ეს არის სამარცხვინო ჩვენი ქვეყნისთვის!“
წყარო: PIA.GE

რელიგიური ნიშნით დისკრიმინაცია

ჰომოფობია

მარშალპრესი, 17 მაისი
ვაჟა ოთარაშვილი, პატრიოტთა ალიანსი: "მინდა გითხრათ, რომ დღევანდელი საქართველო ქართულმა ოჯახმა მოიტანა 21-ე საუკუნემდე და არა იმ მამათმავლებმა და პიდარასტებმა. საქართველოს სიმტკიცე არის დამყარებული ოჯახის სიმტკიცეზე. პატარა ერის გადასაგვარებლად, ქართული ცნობიერების ჩასაწიხლად, მსგავსი თემები არის გარედან შემოგდებული, არ აქვს მნიშვნელობა ეს რუსეთიდან იქნება, ევროპიდან, ამერიკიდან თუ სხვა ქვეყნებისგან. საქართველო არის ღვთისმშობლის წილხვედრი ქვეყანა და მან უნდა დაიცვას ქრისტიანობა. სამარცხვინოა, რომ პარლამენტის წინ, ქაშუეთის წინ, ასეთი უმსგავსო ხალხი, სოდომის და გომორის ცოდვაში ჩავარდნილი, უძველეს ქრისტიანულ ქვეყანაში და მის დედაქალაქში, ასეთ აქციას [17 მაისი ] მართავს. ეს არის ჩევენი ეროვნული ცნობიერების სისუსტე. არავითარ შემთხვევაში ეს არ უნდა დავუშვათ!”
წყარო: ტვ პირველი

საქინფორმი, 18 მაისი
სანდრო ბრეგაძე, ეროვნულები: "ბრავო, ვასიკო მაღლაფერიძე - უკვე ისიც გაბედე, რომ პატრიარქის ქადაგება დაბლოკე, დაჩეხე და ამ ფონზე პიდარასტების რეკლამირებას ეწევი - ბარემ ცისარტყელას ან ცისფერ ფერში შეღებე პირველი არხი. ნუთუ არ გრცხვენიათ, როდესაც პატრიარქის სიტყვა რამდენიმე წამით ანახეთ, ხოლო ვიღაც მამათმავალი ორჯერ დიდი დროით ალაპარაკეთ პირველი არხის საინფორმაციო გამოშვებაში. საზოგადოებრივმა მაუწყებელმა ჯერ პირველ სიუჟეტად მამათმავლების გარყვნილი მიტინგი გააშუქა,ხოლო პატრიარქის მიერ დაწესებული ოჯახის სიწმინდის დღე ბოლო სიუჟეტად და ძალზედ მცირე დროით გააშუქა, პატრიარქის სიტყვიდან სულ რამდენიმე წინადადება აჩვენა, ხოლო ვიღაც მამათმავალი პატრიარქზე ბევრად დიდი ხანი ალაპარაკა".

საქართველო და მსოფლიო, 25 მაისი
ნიკა კორინთელი, ჟურნალისტი: "17 მაისი, საქართველოს კათოლიკოს-პატრიარქის მოწოდებით, ოჯახის სიმტკიცისა და მშობლების პატივისცემის დღეა, მაგრამ ქართულ სატელევიზიო სივრცეში თითქმის არაფერი უთქვამთ ოჯახზე, მშობლების პატივისცემაზე, მხოლოდ იმას წარმოაჩენდნენ, რომ ნახეთ, რა შესანიშნავი დიზაინერები არიან ჰომოსექსუალები, რომ ლგბტ-თემის წარმომადგენლები არ უნდა იჩაგრებოდნენ, არ უნდა ირღვეოდეს მათი უფლებები, მაგრამ არავინ დაფიქრებულა, შეილახა თუ არა ნორმალური ადამიანების, განსაკუთრებით _ მოზარდების უფლებები ჰომოსექსუალიზმის ამ გაშმაგებული პროპაგანდით".

ასავალ-დასავალი, 22 - 28 მაისი
დავით ისაკაძე, დეკანოზი: „პირველ რიგში გასაუქმებელია ის საშინელი „ანტიდისკრიმინაციული კანონი“; მეორე - საზოგადოება უნდა დადგეს ფეხზე და ქვეყანაში უნდა დაიწყოს მასობრივი საპროტესტო აქციები ამ გარყვნილების აკრძალვის მოთხოვნით! 17 მაისს კანცელარიის წინ ლგბტ საზოგადოების წევრები ეკლესიისა და სახელმწიფოს საწინააღმდეგო პლაკატებით იყვნენ გამოსული. მათთვის ეს დასაშვებია, მაგრამ, თუ ჩვენ გამოვხატავთ პროტესტს ლგბტ თემის აღვირახსნილობის მიმართ, ეს დაუშვებელია? წაიკითხეთ რა წერია სვიფტის მანიფესტში, რომელიც 1987 წლის თებერვალში ამერიკაში, ჟურნალ „Gay Community News”- ში გამოქვეყნდა! იქ პირდაპირ არის ნათქვამი - ოჯახში შემოგივარდებით, შვილებს გაგიუპატიურებთ, სოდომის ცოდვას დავამკვიდრებთო!“

რუსთავი 2, კურიერი, 19 მაისი
დავით ისაკაძე, დეკანოზი: „ჩვენ ვცდილობთ არ ავყვეთ აი ამ მცდელობას, ამ პროვოკაციას რაც დაგეგმეს [მზიურში ბრიტანული ფილმის “პრაიდის” ჩვენებას გულისხმობს], რაც გააკეთეს. იმიტომ, რომ ეს არის მცდელობა, აი ამ ფილმის ასეთი სახით გაშვების, მცდელობა საზოგადოებაში ურთიერთდაპირისპირების შემოტანისა. შინაარსი წაკითხული მაქ და ვიცი, რომ ეს არის მამათმავლობის ტირაჟირება“.

ნეტგაზეთი, 17 მაისი
დავით ქვლივიძე, დეკანოზი: „სანამ სახლში არ მოგიკაკუნებენ [ლგბტ თემი] და შენს ბიჭს კალგოტკებს არ ჩაცვამენ, არ უნდა გამოფხიზლდე კაცო...

ასავალ-დასავალი, 1-7 მაისი
გიორგი ანდრიაძე, საერთშორისო სამართლის სპეციალისტი: „დიახ, „გირჩის“ ყველა ინიციატივა ანტიქარტული და ანტიმართლმადიდებლურია. დავალება აქვთ, რომ ქართველ ახალგაზრდობას ორიენტაცია შეუცვალონ და კცობრიობისათვის ნომერ პირველი ცოდვა - მამათმავლობა - საზოგადოებას „ჩვეულებრივ მოვლენად“ წარმოუდგინონ.“ 

საქართველო და მსოფლიო, 10 მაისი  
არმაზ სანებლიძე, ჟურნალისტი: “არც ისე ცალსახაა მოქალაქეთა დამოკიდებულება პედერასტიისადმი, როგორადაც სტატისტიკა წარმოგვიდგენს: ერთია ანონიმური მამათმავლებისა და ლესბოსელების უფლებათა თეორიულ დონეზე მხარდაჭერა და სულ სხვაა რეალობაში მათი ხილვა და შეგუება ამგვარ უზნეობასთან”.

ანტიდასავლური განწყობები

ასავალ-დასავალი, 22 - 28 მაისი
ჯონდი ბაღთურია, ქართული დასი: „უნდა გავიგოთ ერთი რამ: ჩვენ ხელისუფლება კი არა, მტერი გვყავს! ნახეთ, რა ხდება ჩვენს ტელევიზიებში, სადაც უკვე ღიად ქადაგებენ ჰომოსექსუალიზმს! ნახეთ, გეები უკვე მთავრობის კანცელარიის შენობის წინ აფრიალებენ თავიანთ დროშებს! ნახეთ, გეები უკვე ბავშვთა ქალაქ „მზიურში“ აწყობენ ჰომოსექსუალიზმის პროპაგანდისტულ კინოჩვენებებს! ეს ყველაფერი კი იმის ბრალია, რომ საქართველოს არ მართვს ქართველი ხალხი! ჩვენ ვიმართებით ვაშინგტონიდან მოსული დირექტივებით!“

საქართველო და მსოფლიო, 5 მაისი
თამაზ მეჭიაური, ერთიანი საქართველოსთვის: "ევროპა და დასავლეთი ცდილობენ, დაანგრიონ ის ძირითადი ღირებულებები, რომლებიც ჩვენმა ქვეყანამ დიდი ბრძოლის შედეგად მოიპოვა, კერძოდ, სარწმუნოება, რომელმაც შემოგვინახა ჩვენი ეროვნულ-სახელმწიფოებრივი ტრადიციები. რა თქმა უნდა, ეს იქნება ამ ყველაფრის წინააღმდეგ მიმართული აქტი. ერთნაირსქესიანთა შორის ქორწინების დაკანონება დაუშვებელია".

ასავალ-დასავალი, 29 მაისი - 4 ივნისი
გიორგი გიგაური, ჟურნალისტი: „ჰოდა, იმას ვამბობდი, რომ ნატო-ს 70-წლიანი ისტორიის მანძილზე პირველად მოხდა, როცა ალიანსის წევრ ქვეყანას პედერასტი მართვს და ნატო-ს სამიტზე, „პირველი ლედების“ გამოფენაზე „კაცი-ცოლი“ [ლუქსემბურგის პრემიერმინისტრი, ქსავიე ბეტელის პარტნიორი გოტიე დესტენი] მონაწილეობდა!.. აი, ამ ნატო-ში გაწევრიანებისკენ მიიწევენ ჩვენებური ლიბერასტები!“

დისკრიმინაციული გამოხატვის მაგალითები სრულად იხილეთ ვებ-გვერდზე: www.notophobia.ge