Одговорено на 621 барање за советодавна поддршка. Заинтересираните организации можат да постават прашања преку барањето за поддршка или да се обратат директно до канцелариите на ресурсните центри во Скопје, Штип и Гостивар.

Испратени се 504 релевантни информации до граѓанските организации. Доколку сакате да добивате информации, приклучете се на листата за дистрибуција.

Организирани се 264 настани во просториите на Граѓанскиот ресурсен центар од страна на граѓански организации или други чинители. За користење на просториите, пополнете го соодветното барање.

Подготвени и споделени се 27 месечни прегледи на финансиски можности за граѓански организации за вкупно 263 отворени повици. Погледнете ги достапните месечни прегледи за финансиски можности за граѓански организации.

Подготвени и споделени се 66 неделни прегледи со информации за започнати процеси на подготовка на закони и нацрт-закони објавени на ЕНЕР и 22 месечни прегледи од следењето на отвореноста на процесите на подготовка на законите. Погледнете ги неделните и месечните прегледи.

Поради кризата со COVID-19 сите планирани настани се одложени. Меѓутоа, Граѓанскиот ресурсен центар направи напори да вовед онлајн обуки за граѓанските организации. Следете ги нашите најави за онлајн обуките.

Во кризната состојба предизвикана од КОВИД-19, граѓанските организации се меѓу првите кои ја препознаа итноста и покажаа голема солидарност при обезбедување поддршка на маргинализираните групи и ранливите заедници. Организациите се приспособија на новонастанатата ситуација и ги пренасочија своите редовни активности, а некои и своите проектни активности, за да одговорат на потребите на луѓето при справување со пандемијата КОВИД-19.

Во изминатиот период тие преземаа низа иницијативи и активности во области како:

• Обезбедување и дистрибуција на хуманитарна помош до најранливите категории;
• Услуги за набавка на лекови, прехранбени производи и средства за лична хигиена и достава на истите до домовите на стари, изнемоштени лица, хронично билни и други ранливи категории граѓани
• Подготвување и споделување на информации, соопштенија, совети и насоки за здравствена заштита и справување со кризната состојба предизвиканата од КОВИД-19 до маргинализирани групи и до граѓаните општо;
• Обезбедување бесплатна правна помош, психолошка поддршка и други СОС линии за поддршка на ранливите категории на граѓани во кризната состојба;
• Сервиси за помош и поддршка на жртви на семејно насилство;
• Изготвување и споделување анализи и истражувања за влијанието на КОВИД-19;
• Подготвување и испраќање заеднички предлози, реакции, барања до државните институции;
• Обезбедување на алатки, едукативни и ресурсни материјали за различни заедници.

Прочитајте повеќе