|
O, die jaar stap aan - en my lewe, ai!
April beteken Paasfees, wat slegs een week weg is. Ons is dus ook byna aan die einde van ons Lydenstyd-reis, wat deur Skriflesing en gebed gevolg is deur honderde lesers op Facebook (kliek hier). Dit was weereens ‘n voorreg om saam te vas (ek vermy sekere kos-items gedurende die week), te bid en te gee. Dis vir my altyd vrugbaar en betekenisvol! Dalk wil jy volgende jaar ook deelneem – kliek hier om meer daaroor te lees. Nog iets: daar is in dié tyd altyd mense wat beweer dat Paasfees eintlik 'n heidense fees is. Dis glad nie waar nie. Ek sit dit duidelik uiteen by hierdie skakel.
Dit gaan goed met ons nuwe reeks!
Naam bo alle name is baie populêr. Ek ontvang baie briefies – dankie! Dis nogal uitdagend om elke Naam van die Here na te gaan en ‘n dagstukkie daarvan te maak, maar ek is opgewonde en geniet dit. Hierdie reeks is ook gebaseer op een van ons kursusse – kliek hier, jy kan daarop inskryf en dan sommer vooruit sien waarheen ons gaan. Onthou ook, jy kan te enige tyd op ‘n dagstukkie reageer met ‘n kommentaar, vraag of ‘n gebedsversoek. Ons antwoord binne ‘n dag of twee.
|
