თურქოფობია

ასავალ-დასავალი, 26 დეკემბერი - 8 იანვარი
ლალი მოროშკინა, პატრიოტთა ალიანსი: „საქართველომ უარი უნდა თქვას თურქულ პროდუქციაზე და ჩვენი პროდუქციის რუსეთში ექსპორტი უნდა დავიწყოთ!“

ასავალ-დასავალი, 19-25 დეკემბერი
ვალერი კვარაცხელია, სოციალისტური საქართველო: “თენდებოდა ლამის გათურქებულ ბათუმში… ახლა კი, აგერ, თურქები ეპოტინებიან ბათუმს და ამას მათი ისტორიული მიწების დაბრუნებას უძახიან. ქართველები კი ამ საქართველოდან საბჭოთა სოციალისტურ საქართველოს ლანძღავენ. რა ჰქვია ამას…?."

ობიექტივი, ღამის სტუდია, 3 დეკემბერი
გია არეშიძე, წამყვანი: "დავიწყოთ ერდოღანის აი, იმ განცხადებებით იმიტო, რო ეს შემაშფოთებელია. ერთი ჩვენი მეზობელი [თურქეთი] სუ იძახის, რო აჭარა და ბათუმი ჩვენია და ალბათ, მერე სხვა რაიონებზეც გადავა. მეორე მეზობელი საერთოდ ამას წინათ განაცხადა პუტინმა, რომ რუსეთს არა მარტო საქართველოსთან, რუსეთს საერთოდ საზღვრები არ გააჩნია, ხო. ეს ორი კაცი ჭრიან და კერავენ როგორც უნდათ".

ობიექტივი, ღამის სტუდია, 22 დეკემბერი
ნიაზ ბოლქვაძე, აჭარის მამულიშვილთა კავშირი:  „სხვა ქვეყნის მიერ, აი მაგალითად, თურქეთის მიერ გახსნა ასე საკვირაო სკოლის არაა, არ არის საერთოდ მიღებული ნორმალურ საზოგადოებაში… ეს ხომ წარმოუდგენელია, პირველ რიგში დაუფასებლობაა, ანუ არ გთვლის არაფრად, შენ არ წარმოადგენ, ხელისუფლება არ ხარ გამოდის რაა. შენს ნაცვლად ესე იგი, ის წყვიტავს ყველაფერს.“

ისლამოფობია

ასავალ-დასავალი, 26 დეკემბერი - 8 იანვარი
მიხეილ ცაგარელი, ასტროლოგი: „ჩვენი მთავრობა ყველაფერს აკეთებს იმისათვის, რომ სულიერი განვითარების ისლამურმა ფორმებმა იძალონ. დღეს საქართველოში ისლამს იმდენი მიმდევარი არ ჰყავს, რამდენიც, ლამის, მეჩეთია“.

არმენოფობია

ქსენოფობია

კავკასია, ბარიერი, 6 დეკემბერი
ბენო ქაშაკაშვილი, ქართული ოცნება: "ჩვენ გვინდა რომ გაძვირდეს უცხოელებისათვის, ბინაც, მიწაც, და ესე ადვილად ვერ იყიდონ ჩვენი ქვეყანა, როგორც ეს ხდებოდა გასული მრავალი წლის მანძილზე ახლო პერიოდში."

ასავალ-დასავალი, 26 დეკემბერი - 8 იანვარი
დიმიტრი ლორთქიფანიძე, დემოკრატიული მოძრაობა-ერთიანი საქართველოსთვის: „...ნეოლიბერალური ინტერნაციონალი თავისი მარიონეტული ხელისუფლებების მეშვეობით ცდილობს, საქართველოს მკვიდრი მოსახლეობის ჩანაცვლება მიგრანტთა ახალ-ახალი ნაკადებით მოხდეს, რაც ჩვენნაირი მცირერიცხოვანი ერისათვის მომაკვდინებელია! თუ ეს დამანგრეველი პოლიტიკა სასწრაფოდ არ შეწყდება, 2-3 წელიწადში ქართველები, უბრალოდ გავნახევრდებით, რადგან საქართველოდან მოსახლეობა ინტენსიურად გაედინება უცხოეთში, ხოლო აგრარული ბიზნესის განვითარების საბაბით ჩვენს ქვეყანაში შემოდიან ირანელები, ინდოელები, პაკისტანელები, რომლებიც ქართულ მიწებს ეუფლებიან და მოკლე ხანში საქართველოს მოქალაქეობას იღებენ!“

საქართველო და მსოფლიო, 14 დეკემბერი
ანზორ დანელია, ავტორი: „გაიარეთ ღამით მარჯანიშვილის ქუჩაზე, აღმაშენებლისა და რუსთაველის გამზირებზე და ნახავთ, რაც ხდება. წალეკა ქვეყანა არაბულმა, სპარსულმა, ოსმალურმა, ჩინურმა თუ სხვა ქვეყნების ეგრეთ წოდებულმა რესტორნებმა, სინამდვილეში კი არაოფიციალურმა ბორდელებმა, რომლებშიც შეუფერხებლად ასაღებენ ნარკოტიკებს. სად არან პოლიცია და სახელმწიფო უსაფრთხოების სამსახური? რატომ არ აქცევენ ჯეროვან ყურადღებას ამ სავალალო ვითარებას? რაო, ამერიკის ელჩი გიკრძალავთ ქვეყანაში წესრიგის აღდგენას?“

სააგენტო პირველი, 18 დეკემბერი
ვაჟა ბერიძე, ექსპერტი: „სასოფლო-სამეურნეო სავარგულების უცხოელებზე გაყიდვის დაკანონება საქართველოს დასასრულის დასაწყისია. როგორღაც და რაღაცნაირად შემოგვაპარეს – შეიძლებაო, ბრძანებაო, კანონიო, თან ჩქმალავენ, თან ასაბუთებენ, არაფერიაო. აბა, ჩვენს მიწებს ჩვენ ვერ ვამუშავებთ და რა მოხდება უცხოელებმა რომ დაამუშაონ, მუშახელადაც თავიანთი თანამემამულეები მოიწვიონ (აბა ჩვენები გაკრეფილები არიან რუსეთში, თურქეთში და საბერძნეთში), ბრძანებს პარლამენტარი ქალბატონი.“

რელიგიური ნიშნით დისკრიმინაცია

რუსთავი 2, არჩევანი, 20 დეკემბერი
დავით ისაკაძე, დეკანოზი: "რომ ჩვენ პაპი მივიღეთ ზარზეიმით, სვეტიცხოველში მრავალჟამიერით შევხვდით, აეროპორტშივე დახვედრა მოვუწყეთ, როგორ უნდა განუმარტო შემდეგ ხალხს, საზოგადოებას, რომ პაპიზმი ეს არის ერესი და ეს არის მწვალებლობა".

ჰომოფობია

ასავალ-დასავალი, 26 დეკემბერი - 8 იანვარი, ალია, 19-25 დეკემბერი
ლადო  სადღობელაშვილი, პატრიოტთა ალიანსი: „თავისუფლებას რაც შეეხება, დაახვიეთ და გაიკეთეთ თქვენს ლიბერასტულ უკანალებში!“

საქინფორმი, 12 დეკემბერი
არნო ხიდირბეგიშვილი, “საქინფორმის“ მთავარი რედაქტორი:  “მივიდნენ თუ ჯერ კიდევ არა ქართველები იმ კონდიციამდე, რომ თავისივე სქესის შეყვარებულებზე დაქორწინდნენ და საკუთარ შვილებთან სექსი ჰქონდეთ?"

მაესტრო ცეცხლის ხაზი 18 დეკემბერი
გრიშა ონიანი, საზოგადოება “სტალინი”: „პირველი საშუალო სკოლის წინ, რომ კაცი კაცს კოცნიდა და ენას უყოფდნენ ერთმანეთს  ესე იგი არ უნდა შევუშალოთ ხელი და ასე უნდა იყოს იქა?“

მარშალპრესი, 29 დეკემბერი
გურამ ფალავანდიშვილი, დემოკრატიული მოძრაობა ერთიანი საქართველო: "რაც შეეხება პედერასტიას, ეგ არის ტერმინი სამედიცინო და თქვენ მიპასუხეთ ქალბატონო ინგა [გრიგოლია] აი სალომე ასათიანთან, [გიორგი] გვახარიასთან არის თუ არა დავარქვათ გეობის, თქვენ თუ ეს მოგწონთ, გეობის ქება, ცაში აყვანა და ეკლესიის გინება. არის თუ არა? მამათმავლობის პროპაგანდა და არა ეს მითხარით, არის თუ არა, რა ბოდიში ლგბტ პირები უზის ეთერში, ლგბტ აქტივისტი, თვალებში შესციცინებს, და ბოდიში რაზე მოვიხადო, რო შვილებს მირყვნიან? ბოდიში კი არ უნდა მოვიხადო... ვინც უწევს პროპაგანდას არის მიუღებელი და მტერი კაცობრიობის". 

მაესტრო, ცეცხლის ხაზი, 25 დეკემბერი
გივი სიხარულიძე, მსახიობი: "მე სრულიად ვეწინააღმდეგები, რო ჰოლანდიაში რომ მიიღეს ეხლა კანონი, ქალმა ქალი მოიყვანოს, კაცმა - კაცი და მღვდელი, ის რაღა მღვდელია, რომელიც ჯვარს წერს ესეთ უმსგავსოებას, საზიზღროებას... ჩემთვის ჩემო კარგო არსებობს ერთი კანონი, ეს არის უფლისგან დაწერილი კანონი, სხვა ყველაფერი ეს სოდომ და გომორის ცოდვის კანონია, რომელ კანონსაც მე ვერასოდეს ვერ გავითავისებ".

საქართველო და მსოფლიო, 14 დეკემბერი
გიორგი რაზმაძე, ავჭალის წმინდა ქეთევან წამებულის ეკლესიის წინამძღვარი: "საინტერესოა, რა მხრივ უნდა გაძლიერდნენ “ტრანსგენდერი ქალები”... გაძლიერება მათთვის ნიშნავს ცოდვის მიღებას და გამრავლებას. აქედან გამომდინარე, ის 400 თუ 500 კვადრატული [სასოფლო-სამეურნეო] მიწა იქნება ადგილი, რომელზეც აშენდება ახალი ბაბილონის გოდოლი. "

ანტიდასავლური განწყობები

ობიექტივი, ღამის სტუდია, 19 დეკემბერი
გუბაზ სანიკიძე, დემოკრატიული მოძრაობა ერთიანი საქართველო: “საქართველოს არ აქვს,  ამის ფუფუნება, რომ ჩვენ ახლა ლტოლვილები მივიღოთ და ისე ჩვენმა ძვირფასმა პარტნიორებმა, შეიძლება შემოგვაპარანო:... თქვენთან ბანაკები გახსენით, იმიტომ რომ ევროპაში პრობლემები შეგვექმნა... იმედი მაქვს, რომ ამას ჩვენი ხელისუფლება არ იზამს. მაგრამ თუ ამას ჩვენი ხელისუფლება გაბედავს, მე ვიქნები ერთ-ერთი პირველი მედროშე და ინიციატორი, რომ ასეთი ხელისუფლება ჩამოვაშოროთ, რა. იმიტომ, რომ ეს არის პირდაპირ ღალატი ქვეყნის! მიწის გასხვისებაც და ლტოლვილების შემოშვებაც..."

ასავალ-დასავალი, 26 დეკემბერი - 8 იანვარი
ლალი მაროშკინა, პატრიოტთა ალიანსი: „რუსეთის პოლიცია და სპეცსამსახურები ყველა არალეგალ ქართველს სახელებითა და გვარებით იცნობენ, მაგრამ არ ეხებიან და არამარტო ქვეყანაში დარჩენის, არამედ მუშაობისა და საქართველოში ოჯახების რჩენის საშუალებასაც აძლევენ! თანაც, ეს იმ ფონზე, როცა ევროკავშირი ვიზალიბერალიზაციაზე უთავმოყვაროდ გვაწუწუნებს და ევროპიდან ყოველდღე ხდება ქართველების დეპორტაცია!"

ასავალ-დასავალი, 19-25 დეკემბერი
ლევან ვასაძე, ბიზნესმენი: “ყველაფერს რომ თვისი სახელი ვუწოდოთ, დასავლეთი, როგორც ჩვენი მეორე ოკუპანტი, საქართველოსგან ყოველწლიურად მოითხოვს და ღებულობს სისხლის და ფულის ხარკს!"

საქართველო და მსოფლიო, 14 დეკემბერი
გიორგი რაზმაძე, ავჭალის წმინდა ქეთევან წამებულის ეკლესიის წინამძღვარი: „დასავლური ღირებულებები გულისხმობს ადამიანის, პიროვნების გათავისუფლებას ყველანაირი ჩარჩოსგან, მათ შორის, ზნეობისგან. ღირსება, როგორც ასეთი, საერთოდ არ უნდა არსებობდეს, უნდა არსებობდეს მხოლოდ ერთი ცნება _ ადამიანის უფლებები... მათი მიზანია ადამიანის გაპირუტყვება და თანამედროვე დასავლეთში უკვე არის ამის ნიშნები...ის, რასაც დღეს დასავლური დემოკრატია ჰქვია, გულისხმობს ერთნაირსქესიანთა შორის ქორწინებას, გეიაღლუმებს, ნარკოტიკის ლეგალიზებას და ა.შ. ხოლო ტოლერანტობას ეძახიან იმას, რომ საზღვრები უნდა გახსნა და მიიღო ასიათასობით “მიგრანტი”, რომლებიც, კაცმა არ იცის, რა დანაშაულს ჩაიდენენ შენს ქვეყანაში. ეს ხომ ობიექტურად ასეა და ისინი ხომ ამით ამაყობენ. საინტერესოა, რატომ მიაჩნიათ ამაზე საჯაროდ საუბარი ანტიდასავლურ პროპაგანდად...“ 

ასავალ -დასავალი, 5-11 დეკემბერი
დავით ნოზაძე, დეკანოზი: "იტალიის პარლამენტში ტუჩებში აკოცეს კაცებმა კაცებს, ქალებმა - ქალებს. დღეს ვერ ხედავთ, იქ რა ხდება, ყოველდღე მიწისძვრაა. ახლა ვიღაც იტყვის, ეს ტექტონიკური მოვლენებიაო, მაგრამ არ არის სწორი. ღმერთმა დაუშვა და იძრა მიწა, ღმერთმა ინება და მოვიდა ჭექა-ქუხილი, ღმერთმა ინება და მოვიდა სეტყვა, ღმერთმა ინება და დაწვა სოდომ-გომორი."

გენდერი

ასავალ-დასავალი, 12-18 დეკემბერი
გიორგი გიგაური, ჟურნალისტი: “რა თქმა უნდა, ყველანაირი ძალადობა მიუღებელია! რა თქმა უნდა, მამამ შვილები არ უნდა ცემოს! მაგრამ მამა შვილისთვის წამოთქების გამო როგორ უნდა დაიჭირო?! ამას უკვე ზღვარგადასული ლიბერასტობაც არ ჰქვია, ეს კატასტროფაა! პირდაპირ ვიტყვი: ეს არის მიზანმიმართული ბრძოლა ქართული ტრადიციული ოჯახის ინსტიტუტის წინააღმდეგ! და არავინ აწიკვინდეს ახლა, ქართლი ტრადიციული ოჯახია მეცხრეკლასელი გოგოს ცემაო?! არა, ბატონო, მეცხრეკლასელი გოგოს ცემა არ არის ქართული ტრადიცია! ქართული ტრადიცია არის ის, რომ ოჯახში არის კაცის ავტორიტეტი და ვინც ამის მიზანმიმართულად მოშლას ესწრაფვის, ის არის ქართლი ტრადიციების დაუძინებელი მტერი!“

დისკრიმინაციული გამოხატვის მაგალითები სრულად იხილეთ ვებ-გვერდზე: www.notophobia.ge