"Etorkizuneko lan munduari begirada partekatua. Pertsonen ongizatea eta industria adimenduna aztergai". Horixe izango da aurtengo azokan hizpide izango dugun gaia.

Azaroaren 3an, 9:00etan hasita, Hernaniko Orona Ideon, Bai Euskarari Elkarteak antolatuta eta Gipuzkoako Foru Aldundiaren babesletzarekin. Ohi bezala, hitzaldiak, solasaldiak, adibide praktikoak eta ekintzaileentzako tartea izango ditugu.

Aurtengo edizioan elkarlaneko dinamikak egingo ditugu azokan parte hartzera etorriko zaretenon artean, elkar hobeto ezagutu eta elkarlanerako aukerak detektatzeko. Animatzen?

Ekintzaileei zuzenduriko Arin-arin saioa egongo da aurten ere. Parte-hartzaileek haien ideiak edo proiektuak hiru minututan azaldu beharko dituzte, arin eta labur. Irabazleak 2.000 euroko laguntza jasoko du proiektua garatzeko.