Hallo, vriend in die Here!

Dis Februarie en die jaar het op dreef gekom. Ek bid dat dit met jou goed sal gaan. Ja, ek bid elke dag vir al ons lesers, kursusgangers en bydraers, en vra dat ons bediening in jou lewe geseënd sal wees. Bid vir ons ook, asseblief! Dit voel onwerklik, maar oor 'n week (Woensdag, 22 Februarie) begin Lydenstyd weer. Ek vier al baie jare Lydenstyd (of Lent) deur te vas en sekere dinge te doen. Soos elke jaar nooi ek jou uit om ook hieraan deel te neem. Jy kan lees hoe ek dit aanpak by hierdie skakel. In hierdie tyd sal ons daagliks 'n kort Lydenstyd-oordenking op ons Facebook-blaaie plaas. Volg ons gerus by Facebook: Jimi le Roux of Facebook: Daaglikse Stilte.

Dan wil ek ook net baie welkom sê vir almal wat onlangs by ons aangesluit het. Onthou, jy kan enige tyd op 'n dagstukkie kommentaar lewer, 'n gebedsversoek rig of iets vra. Daaglikse Stilte gaan skriftelik uit per e-pos (hierdie lys), op Facebook (by die bg. adresse), en dan voorgelees op WhatsApp en Telegram. Om op die voorlesings in te skryf, kliek hier. Ons oordenkings kom ook in Engels (as By the Way); kliek hier om daarop in te skryf. 

Ten slotte

Ten slotte net die volgende: 

• Ons huidige vlagskip-kursus is Veertig Vroue. Bybelse vroue is sterk vroue. Veertig Vroue is 'n fassinerende studie van 40 goeie en slegte vroue in die Bybel. Kliek hier vir meer info.
• Olga Maartens, wat ons oordenkings keurig voorlees en daagliks versprei is aangestel as nuusleser op Namibië se radio, Hartklop FM, vroeër bekend as die Afrikaanse Diens. Baie geluk, Olga!
• Sal jy asb. vir ons DRIE vrae antwoord aan die einde van hierdie brief? Dit behoort net 'n minuut te neem. Jou terugvoer is vir ons baie belangrik.

Baie dankie vir die saamstap, saamlees, saambid en sommer net saamwees op die geestelike pad. Dis vir ons só 'n voorreg om jou reis te mag deel. 

Mag die Here jou ryklik seën!

Jimi en Maryke