ძალადობისკენ მოწოდება

მარშალპრესი, 14 თებერვალი
მერაბ კაჭახიძე, ქართული ოცნება: "ერთი გაფიქრება კი გავიფიქრე, მართლაც ღირსები ხომ არიან ადამიანის სახედაკარგული ეს “გველის წიწილები”, რომ სათითაოდ დაუჭეჭყო თავები?! თუმცა იქვე ჩამეღიმა… ”რ2”-ი და ამ ტელევიზიას ამოფარებული ათასი ჯურის ავანტურისტი და მანქურთი სწორედ ასეთი გადაცემებით ახდენენ თვითლუსტრაციას. სწორედ ასეთი რიტორიკა გვანახებს მათ რეალურ სახეს. რანი არიან, რამდენად დამპალი თესლის, აზროვნების თუ იდეოლოგიის მიმდევარნი ცდილობენ (მცდელობა აღარ ქვია ამას, ეს არის ავადმყოფური ისტერიკა, ანუ “კლინიკა”) წყლის ამღვრევას ქვეყანაში".

მარშალპრესი, 13 თებერვალი
დავით ლილუაშვილი, კოალიცია ჩვენი უფლებებისთვის: ”ვუსმინე მთავარი პროკურორის ბრიფინგს… შოკში ვარ… ცხადია ამ ეტაპზე უდანაშაულობის პრეზუმფცია არ უნდა დაირღვეს, მაგრამ როცა ეს დანაშაული სასამართლოს ვერდიქტით დამტკიცდება, მერე ხომ უნდა დაუჩეჩქვო ნაძირალას [გიორგი მამალაძე] თავი!!!”

რასიზმი

ობიექტივი, ღამის სტუდია, 27 თებერვალი
გუბაზ სანიკიძე, გაერთიანებული დემოკრატიული მოძრაობა:  “...ომის შემდგომ და განსაკუთრებით 70-იანი წლებიდან, აი, როცა ეს ეგზოტიკური ექსპერიმენტები დაიწყეს,  ლიბერალებმა, უმცირესობამ დაიწყო უმრავლესობის ჩაქრობა. მთელი ეს 40 წელი, თუ 30 წელი მთვარი მცდელობა იყო, როგორ გაენეიტრალებიათ „თეთრი მამაკაცი“, ეს ცნობილი თემა არის - „თეთრი მამაკაცი“ , ამერიკაშიც, ევროპაშიც, ყველაფერი ქნეს იმისთვის, რომ ყველაფრისგან დაცლილიყო, მაგრამ მიიღეს პირიქით, ახლა მიიღეს აგრესიული უმრავლესობა!“

თურქოფობია

კავკასია, ბარიერი, 28 თებერვალი

თენგო ომანაძე, თავისუფალი საქართველო: "მაგალითად თურქეთს დღეს ერთ საათში შეუძლია მთელი აჭარის რეგიონი დავუშვათ გამოისყიდოს იქ ადგილობრივი მოსახლეობისგან და იქ დასახლდნენ ეთნიკურად თურქები თუ თურქეთის მოქალაქეები და ა.შ. თქვენ როგორ ფიქრობთ ეს არანაირი პრობლემა არ არის, იმიტომ რომ ეს არის ეკონომიკური კანონზომიერება?.."

ობიექტივი, ღამის სტუდია, 15 თებერვალი
ბონდო მძინარაშვილი, წამყვანი: „თბილისში აღმაშენებლის პროსპექტს და აჭარის ავტონომიურ რესპუბლიკაში ხო საერთოდ თურქული შეეყარათ. ეს უბედურება გვჭირს კიდე, რომელიც სხვა უბედურებებს დაუკავშირდება კიდე ცოტა ხანში. სულაც არ არის ეს გამორიცხული და როგორც საფრთხეზე ისე ვსაუბრობ მე ამაზე და მინდა, რომ ყურადღება ხელისუფლებამაც გაამახვილოს თუ აქამდე არ გაუმახვილებია“.

გეოგრაფიული ნიშნით დისკრიმინაცია

რუსთავი 2, პ.ს. 12 თებერვალი, საქართველო და მსოფლიო, 13 თებერვალი ალია, 20-26 თებერვალი
გიორგი გაბუნია, ჟურნალისტი: "დავით ნარმანიას როგორც ჩანს დაავიწყდა, რომ ის დედაქალაქის მერად აირჩიეს და ისევ სადმე სოფელში გონია თავი, სადაც ტუალეტებს დიდი ორმოების თავზე აშენებენ. თბილისი თქვენი განავლის დასაგროვებელი ადგილი არ არის, ბატონო დავით".

ქსენოფობია

ასავალ-დასავალი, 13-19 თებერვალი
თეიმურაზ შაშიაშვლი, „თეთრები“: „სინამდვილეში ქუთაისის ტექნოლოგიური უნივერსიტეტი არაბებისთვის, თურქებისთვის, ირანელებისთვის, ინდოელებისა და ჩინელებისთვის იხსნება! თქვენ წარმოიდგინეთ რა მოხდება დასავლეთ საქართველოში!“

ობიექტივი, ღამის სტუდია, 15 თებერვალი
ბონდო მძინარაშვილი, წამყვანი: „...სოფელ ხაშმის მიკრო ზონაში, ხაშმის განთქმული საფერავი სადაც იწარმოება, არაბები ყიდულობენ 150 ჰექტარს... თუ მათ ეს არასასოფლო დანიშნულების მიწად გადააკეთეს, კანონმდებლობა მათ ხელს არ უშლის ხო, ხაშმი არ არის ამ ზონაში, მაშინ აღმოჩნდება, რომ იქ გაჩნდება 150 ჰექტარზე გაშენებული ვთქვათ ასე პირდაპირ - არაბული სოფელი და ამას ვერავინ ვერ შეუშლის ხელს“.

ასავალ-დასავალი, 20-26 თებერვალი
რეზო ამაშუკელი, მწერალი: „საპატრიარქოსთვის მიწების გადაცემასაც რომ აპროტესტებენ ეს ლიბერასტები, ბოლოს და ბოლოს რა ჯობს - ქართული სასოფლო-სამეურნეო მიწები ეკლესიას ჰქონდეს თუ არაბებსა და ირანელებზე გაიყიდოს, როგორც ახლა ყიდის ჩვენი სახელმწიფო?!”

ობიექტივი, ღამის სტუდია, 27 თებერვალი
ნანა დევდარიანი, გლობალური კვლევის ცენტრი: „ფრანგებს უნდათ ფრანგული სახელმწიფო. ისინი არ არიან ჩვენსავით, არ არიან ველური ადამიანები, ანუ არც ჩვენ ვართ ველურები და არც ისინი და ისინი იტანენ შავკანიანსაც, მუსლიმანსაც, ყველანაირს, მაგრამ ვერ იტანენ, როცა მათი ცხოვრების წესიდან ამოვარდნილია ეს ხალხი. თავის მხრივ მიგრანტებს შიში აქვთ, რომ მარი ლეპენი თუ მოვიდა, მათი ასე ანკლავებად ცხოვრება და შიგნით რომ პოლიცია ვერ შედის ეს დამთვრდება...“

ობიექტივი, ღამის სტუდია, 15 თებერვალი
პაატა კოღუაშვილი, აკადემიკოსი: „ბატონებო, სამი მილიონი სომეხი ცხოვრობდა ალეპოში, ღმერთმა ყველა გადაარჩინოს და ყველა ესეიგი დაბრუნდეს თავის ადგილზე. სად წავლენ ისინი, ვის მოადგებიან?! ვის მოადგებიან ის სხვები, ისინი აქა. დავფიქრდეთ რა, ჭიშკარი ისედაც არ გვაქ, ჭიშკარი უნდა თუ არა გვაქ დავკიდოთ და ჩავკეტოთ. ჩვენ სხვა გამოსავალი და სხვა გზა არა გვაქვს“.

არმენოფობია

მარშალპრესი, 18 თებერვალი
რედაქცია: "ძეგლისწერის მიხედვით, სომეხნი სარწმუნოებით მწვალებლები არიან და თუ სომეხი მართლმადიდებლობას აღიარებს, მართლმადიდებელმა ეკლესიამ ის ისეთი წესით უნდა მიიღოს, როგორი წესითაც წარმართს იღებს".

რელიგიური ნიშნით დისკრიმინაცია

ასავალ-დასავალი, 13-19 თებერვალი
თეიმურაზ შაშიაშვლი, „თეთრები“: „ჩემთან დადიოდნენ სოროსელები და „თავისუფლების ინსტიტუტის“ რეკომენდატორები... ჩვენ მოვითათბირეთ და დავადგინეთ, რომ ამის [კათოლიკური ეკლესიის მშენებლობის] დაშვება იყო ყოვლად გამორიცხული! საპასუხოდ დაიწყო საშინელი ზეწოლა - მინისტრებს ვატიკანში იბარებდნენ და აიძულებდნენ, მხარი დაეჭირათ ქალაქის ცენტრში კათოლიკური ეკლესიის მშენებლობისთვის.“

ასავალ-დასავალი, 27 თებერვალი - 5 მარტი
დიტო ჩუბინიძე, ჟურნალისტი: „ცნობილია, რომ ნიკა გვარამიას ერთი ძმა სამეგრელოში იეღოველების მოგვია, რომელიც მართლმადიდებლობას ქუჩა-ქუჩა წანწალით უთხრის ძირს და ამაში დიდ ფულს აკეთებს! რაც შეეხება თვად გვარამიას, ის ჩვენს სარწმუნოებასა და ტრადიციებს „რუსთავი-2“-ის ეკრანიდან ესვრის კალიუმციანიდით მოწამლულ ისრებს… იეღოველების ქვასროლია შპიონი დავით პაიჭაძე, ანუ იგივე დავით „პაჭანიკი“,  რომელსაც ეს თიკუნი წლების წინათ ვუწოდე, გიგა ბოკერიას ქვებით ამარაგებდა, რათა მერე ეს ქვები ეკლესიასა და მართლმადიდებელი მრევლისთვის დაეშინათ!

საქართველო და მსოფლიო, 14 თებერვალი
ნიკოლოზ მჟავანაძე, უფლებადამცველთა გაერთიანება: „ის [უჩა ნანუაშვილი] არის სექტანტი და მთელი თავის ცხოვრება ებრძვის ეკლესიას. ეს ე.წ. არასამთავრობოები კიდევ მაგის მოკავშირეები არიან, მათ შორის „ადამიანის უფლებათა ცენტრიც“, სადაც ერთ-ერთ მნიშვნელოვან პოზიციაზე მისი ცოლია წარმოდგენილი”.

ჰომოფობია

ასავალ-დასავალი, 6-12 თებერვალი
ირაკლი ლატარია, „პატრიოტთ ალიანსი“: „ჩემი უახლოესი ადამიანი დაიჭირეს 2006 წელს უკრაინაში, რომელმაც მოკლა პედერასტი, ხელით შეეხო ერთ ადგილას და ადგილზე მოკლა. სამუდამოს უსჯიდნენ, როდესაც მიშას [სააკაშვილის] უახლოეს გარემოცვას ვთხოვე, იქნებ საელჩო ჩაერიოს და სამუდამო ავაცილოთ-მეთქი პასუხი ასეთი იყო ზუსტად: მკვლელებზე ვერ ჩავერევითო!“

ასავალ-დასავალი, 13-19 თებერვალი
ლევან ჩაჩუა, პატრიოტთა ალიანსი: “საკანონმდებლო ორგანომ ანტიდისკრიმინაციულ კანონიდან დაუყოვნებლივ ამოიღოს ცნებები: „სექსუალური უმცირესობა“ და „გენდერული იდენტობა ...საქართველოს მოსახლეობას, ვისი აბსოლუტური უმრავლესობა ამ მოთხოვნას იზიარებს - ქუჩაში გამოსვლისა და ხელისუფლების გადადგომის ლოზუნგის წამოსაწევად მოვუწოდებთ! არ დავუშვათ რომ ჩვენი ხელისუფლება მომავალშიც დარჩეს აგრესიულ-ლიბერასტული ბნელი ძალების მარიონეტად, ვაიძულებთ, აღიაროს, რომ ქართველ ხალხს გააჩნია ნება, რომელიც უნდა აღსრულდეს!“

მაესტრო, ცეცხლის ხაზი, 4 თებერვალი
გიორგი ახვლედიანი, დემოკრატიული მოძრაობა: "ელჯიბიტის ასე ვთქვათ დამცველი, უფლებადამცველი თუ არა ხარ და პროპაგანდისტი პრორუსი ხარ, და ეს ჩვეულებრივი სტანდარტებია რა... ის, რომ ამ შემთხვევაში შენი ქვეყნის ღირებულებების და ფასეულობების და ღვთისგან ბოძებული ზნეობის წესების დაცვა გინდა, არაფერ კავშირი არ არის პოლიტიკასთან".

მარშალპრესი, 23 თებერვალი
მეუფე სპირიდონ აბულაძე: ".... აი, ასეთ პირობებში, როცა მთელი მსოფლიო ასეთი წახდენილია, რო კაცი კაცზე თხოვდება, ქალი ქალზე თხოვდება, კაცი ქალი ხდება, ქალი კაცი ხდება. მთელ მსოფლიოში ასეა და შენი მასმედიის საშუალებებიც ამას ემსახურებიან, შენ როცა ამ კანონმდებლობით უკვე მე მიკრძალავ, სასულიერო პირს, ვთქვა,რო ეს არ არი კარგი… ამას მიკრძალავ და ციხით მემუქრები, შენ იმ ბალთაზარზე უარესი ხარ.”

ანტიდასავლური განწყობები

კვირის პალიტრა, 6-12 თებერვალი
სანდრო ბრეგაძე, ეროვნულები: "ახლა თუ გვყავს მილიონნახევარი ემიგრანტი, ვიზალიბერალიზაციის ძალაში შესვლის შემდეგ კიდევ ერთი მილიონი დაგვემატება, საქართველოში აფრიკელები და არაბები დასახლდებიან, რითაც ჩვენი დემოგრაფიული სურათი კიდევ უფრო გაუარესდება და საბოლოოდ, ქართველები ეგზოტიკურ აბორიგენებად გადავიქცევით".

საქართველო და მსოფლიო, 17 თებერვალი
ვანო სულორი, ჟურნალისტი: "აშშ-ის საქართველოში დარჩენა კი გამოიწვევდა ხალხის გადაგვარება-გადაჯიშებას, ერის სრულ დეგრადაციას. რადგან სადაც ამერიკაა, იქ კოსმოპოლოიტიზმი ჰყვავის და ეროვნული ფასეულობები ჩაწიხლულია. სადაც ამერიკა იქ სექტების პარპაშია. სადაც ამერიკაა იქ ლესბოსელობისა და მამათმავლობის პროპაგანდაა. სადაც ამერიკაა, იქ გარყვნილების სოდომ-გომორაა. მახსენდება მექსიკელი მწერლის სიტყვები: “ო, საბრალო მექსიკავ, რა შორს არის შენგან ღმერთი და რა ახლოსაა ამერიკა”.

გენდერი

საქართველო და მსოფლიო, 8 თებერვალი, მარშალპრესი, 7 თებერვალი
ზაზა პაპუაშვილი, ქართული ოცნება: "...საერთოდ, ამ კაცზე [ნიკა გვარამია] როგორ უნდა ილაპარაკო, როგორ შეიძლება, ეს კაცი შენი ხელმძღვანელი იყოს და შენ მისი ხელქვეითი იყო?! რომ ვუყურებ [ნიკა გვარამიას], რომ ზის მაგიდასთან ტელეეთერში, სულ მგონია, რომ ქვემოთ მოკლე ქვედაბოლო აცვია, „იუბკა“ გეტრებზე და ტერფს რომ ამოძრავებს, შლოპანცებს ქუსლებზე ირტყამს. თითქოს სახლში იქცევა ასე და საზოგადოებას არ ელაპარაკებოდეს.“

ალია, 6-12 თებერვალი
რედაქცია: „მისი განმარტებით [ირანელი სასულიერო ლიდერს აიათოლა კეზეს], თუკი მიწისძვრა მოხდება და ამის დიდი ალბათობა არსებობს კიდეც, ყველაფერში დამნაშავე სუსტი სქესი იქნება, რადგან ქალები მუდმივად იმას ცდილობენ, მამაკაცებს თავი მოაწონონ, შეაცდინონ და ხორციელი ტკბობა განიცადონ“. 

საქართველო და მსოფლიო, 6 თებერვალი, ასავალ-დასავალი, 13-19 თებერვალი
მამა გიორგი რაზმაძე, ავჭალის წმინდა ქეთევან წამებული ეკლესიის წინამძღვარი: "რაც შეეხება იმ პროპაგანდას, რომ თურმე საქართველოში ქალებს კლავენ და მთავარი ამის განმაპირობებელი ფაქტორი ქართული მენტალიტეტია, ამ პროპაგანდას ჩვენ დიდი ხანია, ვისმენთ და რა დასავლური ძალებისგან ფინანსდება ეს სიბინძურე, ყველამ ვიცით.... ცხადია, ამ თემებით გააქტიურება შემთხვევითი არაა, ეს არის კონკრეტული, მიზანმიმართული კამპანია, რომელსაც პირდაპირ მიზანში ჰყავს ამოღებული ყველაფერი ქართული. ზოგადად, ქრისტიანულად და ქრისტიანული სწავლებით ოჯახის თავი არის მამაკაცი და ამათ უნდათ, რომ ეს თავი წააცალონ ოჯახს... მათ აინტერესებთ მხოლოდ ორი რამ, რომ მიიღონ გრანტები უცხოეთიდან და შეასრულონ ის ამოცანა, რაშიც იღებენ ამ  დაფინანსებას".

დისკრიმინაციული გამოხატვის მაგალითები სრულად იხილეთ ვებ-გვერდზე: www.notophobia.ge