Weer tyd vir ‘n nuusbrief!

Hallo daar! Ons het ons maandelikse nuusbrief bietjie uitgestel omdat ons ‘n nuwe kursus wou bekendstel.  Kom ons begin sommer dadelik:

“Geesplan”, ons huidige “vlagskip-kursus” (die een wat die meeste mense ontvang), maak hierdie week klaar. Dit het gegaan oor die Here se persoonlike roeping vir jou lewe, jou unieke skeppingsdoel. Dit was ‘n groot sukses, veral vir die kleiner groep met wie ons ‘n meer persoonlike pad gestap het. Mooi dinge het daar gebeur, die Here het beslis in die harte gewerk! Ek gaan hierdie kursus bietjie aanpas vir die toekoms (kliek hier vir die huidige weergawe), maar oor die algemeen is ek baie dankbaar. Nou is dit egter eers weer tyd vir iets anders:  

weke dus rustig deur hierdie psalm werk, frase vir frase, met hierdie vraag in gedagte: “wat beteken dit dat God my Herder is?” Ons wil ook ‘n spesiale fokus op die kleingroep plaas. Omdat Psalm 23 so ideaal vir kleingroepe of gebedsgroepe is, bied ons ons selleierskursus, Kleingroep-dinamiek, gratis hierby aan. Dit behels omvattende en hedendaagse opleiding vir alle kleingroepleiers. As jy dus Psalm 23 ontvang, kry jy ook Kleingroep-dinamiek gratis! Gebruik dit self, as jy ‘n kleingroep behartig, of werk daardeur vir jou eie verryking, maar ons wil spesifiek vra dat jy dit weekliks aan jou groepleier (of ‘n groepleier wat jy ken) of selfs jou predikant aanstuur. Maak jou dus reg vir ‘n treat! Van volgende week af sal hierdie psalm vir jou oopgaan. Ons gaan Psalm 23 ook sommer uit ons kop leer, sodat dit altyd byderhand is. 

• Vir meer inligting oor ons kursus, Psalm 23, kliek hier. 
• Vir meer inligting oor Kleingroep-dinamiek, kliek hier.

Kortliks...

1) Ons medewerker Olga Maartens het ‘n skouer-operasie ondergaan, maar gaan steeds voort om voorlesings van ons oordenkings op WhatsApp en Facebook te plaas - so ver as moontlik. Dankie vir die besondere moeite! Hoop jy's spoedig beter!  Vir meer inligting oor ons voorlesings kliek hier.