Adimen artifiziala, (u)topikorik gabe izenburupean AAren eragin ekonomiko, sozial eta legala aztertu nahi da aurtengo Enpresarean Azokan. Urriaren 24an izango da azoka eta dagoeneko prest dago egitaraua. Ohi bezala, hitzaldiak, solasaldiak, adibide praktikoak eta ekintzaileentzako tartea izango dugu.

Elhuyarren parte-hartze berezia izango dugu aurtengo Enpresarean Azokan. Izan ere, garatzen ari diren adimen artifizialeko tresna baten barrunbeak erakutsiko dizkigute ekitaldian, azokan bertan proba eginez.

Ez baduzu galdu nahi, eman izena #EnpresareanAzoka2024 ekitaldian.

Ekintzaileei zuzenduriko Arin-arin saioa egongo da aurten ere. Parte-hartzaileek haien ideiak edo proiektuak hiru minututan azaldu beharko dituzte, arin eta labur. Irabazleak 2.000 euroko laguntza jasoko du proiektua garatzeko.