Почитувани,

Ви го испраќаме петтиот број на Билтенот на Граѓанскиот ресурсен центар во кој може да прочитате за нашиот нов повик за грантови, новата програма за градење капацитети како и нашите досегашни постигања и резултати. Дополнително известуваме и за низа други активности важни за граѓанскиот сектор а спроведени од други организации и чинители во периодот јуни - август.  

Со почит,
Тимот на Граѓанскиот ресурсен центар

Одговорено на 448 барања за советодавна поддршка. Заинтересираните организации можат да постават прашања преку барањето за поддршка или да се обратат директно до канцелариите на ресурсните центри во Скопје, Штип и Гостивар.

Испратени се 302 релевантни информации до граѓанските организации. Доколку сакате да добивате информации, приклучете се на листата за дистрибуција.

Организирани се 175 настани во просториите на Граѓанскиот ресурсен центар од страна на граѓански организации или други чинители. За користење на просториите, пополнете го соодветното барање.

Подготвени и споделени се 19 месечни прегледи на финансиски можности за граѓански организации за вкупно 199 отворени повици. Погледнете ги достапните месечни прегледи за финансиски можности за граѓански организации.

Подготвени и споделени се 50 неделни прегледи со информации за започнати процеси на подготовка на закони и нацрт-закони објавени на ЕНЕР и 13 месечни прегледи од следењето на отвореноста на процесите на подготовка на законите. Погледнете ги неделните и месечните прегледи.

• Информативна сесија за отворен повик за грантови, 12:00 - 14:00, 17 септември 2019, во сала на кабинет (општинска зграда), улица Дервиш Цара бб, Тетово
• Информативна сесија за отворен повик за грантови, 12:00 - 14:00, 18 септември 2019, во пресконференциска сала (општинска зграда), ул. Панко Брашнар бр.1, Велес
  
• Информативна сесија за отворен повик за грантови, 12:00 - 14:00, 19 септември 2019, во Младински информативен и советодавен центар ИНФО СЕГА, ул. Цар Самоил бр. 18, Прилеп
• Мобилен ресурсен центар во Кавадарци, 27 септември 2019 година, Квадарци
  

Во овој дел од Билтенот известуваме за битни информации за граѓанското општество кои ги преземаат и спроведуваат други општествени чинители

Во периодот јуни – август Советот за соработка со и развој на граѓанскиот сектор одржа две седници и тоа на 4 јули и 27 август.

На овие две седници, меѓу другото беа дискутирани низа теми вклучувајќи ги Националната стратегија за развој на концептот на едно општество и интеркултурализмот во Република Северна Македонија, избор на претставници од Советот за Комисијата за распределба на финансиски средства наменети за финансирање на програми активности на здруженијата и фондациите од Буџетот за 2019, номинација на учесник на Конференцијата за промоција на Конвенцијата за прекршоци поврзани со културното наследство во Кипар итн.

Прочитајте повеќе за седниците на Советот

На 26.06.2019 година во Скопје се одржа Завршна конференција на проектот „Силни граѓански организации за позитивни социјални промени“, поддржан од Европската Унија а спроведуван од Фондација за развој на локалната заедница Штип, Центар за оддржлив развој Алка и Институт за развој на заедницата од Тетово.

На конференцијата беа презентирани клучните наоди од проектот, како и промените кои проектот ги направи во периодот на спроведување, со посебен фокус на поддршката на граѓанските организации од општинските буџети.

Прочитајте повеќе за конференцијата

Во јуни започна спроведувањето на 10 годишната Програма за парламентарна поддршка, финансирана од Швајцарската агенција за развој и соработка а спроведувана од Националниот демократски институт, Институтот за демократија “Социетас Цивилис” – Скопје и Центарот за управување. Програмата има за цел да ги поддржи реформските напори на Собранието кон посилна улога во надзорот над извршната власт, законите за повисок квалитети поголема отвореност, транспарентност и учество на граѓаните во работата на Собранието. 
Вкупниот буџет на програмата е 11 милиони швајцарски франци.

Прочитајте повеќе

Центарот за граѓански комуникации во јуни го објави рангирањето на институциите според Индексот на активна транспарентност, односно според проактивното објавување информации од јавен карактер изработен во март 2019 година, во кое се вклучени сите министерства, Владата и општините.

Индекс на активна транспарентност 2019

Балканската мрежа за развој на граѓанското општество ја објави десетата анализа на годишните извештаи на Европската Комисија и оценката на постигнатиот напредок во областа на развој на граѓанското општество и дијалогот со јавните институции. Анализата се заснова на Матрицата за следење на овозможувачката околина за развој на граѓанското општество.

Прочитајте повеќе за анализата

На 12 јули 2019 година, Мрежата за заштита од дискриминација го промовираше извештајот за имплементацијата на Законот за спречување и заштита од дискриминација 2011-2018. Целта на извештајот е да собере податоци за досегашното спроведување на Законот и анализирање за севкупното работење на Комисијата од нејзиното формирање до денес.

Прочитајте повеќе за анализата